Iosephus Wu

Res apud Vicidata repertae:

Nativitas: 31 Octobris 1954; Changhua County
Patria: Res publica Sinarum

Iosephus Wu, nomine Sinensi 吳釗燮 Wú Zhāoxiè (Dacheng in oppido Formosae natus die 31 Octobris 1954) est politicus rei publicae Sinarum in insula sua nativa constitutae.

Alumnus est Universitatis Nationalis Chengchi Taipeiensis, ubi postea institutum rerum externarum direxit, universitatumque Missouriensis et Civicae Ohiensis. Scientiae politicae eruditus, libertatis insulae Formosae fautor, a die 20 Maii 2004 ad 10 Aprilis 2007 minister fuit a rebus continentalibus, antecessore Tsai Ing-wen. Deinde usque in diem 26 Iulii 2008 legatus iuxta Civitates Foederatas meruit. Recentius a die 20 Maii 2016 secretarius generalis consilii securitatis nationalis, a die 22 Maii 2017 secretarius generalis iuxta praesidem (praeside hoc tempore eadem Tsai Ing-wen), denuo a mense Februarii 2018 minister a rebus externis factus est.